Søg
juli 24, 2014
   Minimer

Maniitsup Efterskolia

Maniitsup Efterskoliata ukioq manna ilinniartut siulliit akuerai, tamarmillu atuarfiup ingerlalluarnissaa kissaatigaat, qilanaaraallu kalaallit inuusuttaasa kalaallillu inuiaqatigiit qilanaaralugillu soqutigivaat. Uani ukiumi atuarfiusumi siullermi suut tamarmik pissusissamissut ingerlapput, atuarfillu ingerlalluarpoq.

Neriuutaallunilu pilersaarutaanikuuvoq atuarfiup nutarterneqarnera ukiup atuarfiusussap septemberip aallartinnginnerani naammassineqareersimassasoq, kisianni suliaq ajoraluartumik kinguartippoq, piviusumilu ATI-usimasup qimanneqarnera assigiinnarlugu ”sulisariaqarpugut”.  Taassumallu pissutigaa igaffeqarniarneq Maniitsup Timersortarfianiimmat, atuartitsinerillu Maniitsup piareersarfiutaasa ilai attartorneqarneratigut atuartitsiffiusarput. Tamannalu ataqatigiissaarniarlugu suliaq annertooq  toqqissimanissamut ileqqorisassallu aalajangersimasut aaqqinniarlugit atorneqarpoq, kisianni sulisut ilinniartullu unammillerneq tamanna tiguaat, taamaalillunilu Maniitsumi efterskoli isumatooq suliassaqarfioqisorlu suliaraat.

Ilinniartut malugisariaqarpaat erfterskolimiilluni immikkuullarilluinnartuusoq. Ukiumi tassani pilersitsineq ilinniarnerlu pissarsiaraat, ilinniartullu taamaalillutik ukioq atuarfiusoq naammassippat nammineq inuttut qinigassaqarluarlutik ilinniarfinnut ingerlaqqiffiusunut qinersisinnaassapput. Ilinniarneq ukioq ataaseq ingerlavoq, kisianni inuuneq tamaat ulikkaarpaa.

Maniitsup Efterskolia misilitsiffiuvoq, ilinniartullu tamarmik meeqqat atuarfianni inaarutaasumik misilitsinnertut ittumut nalunaarsimapput. Ilinniartut ataasiakkaarlutik aqqutissiuunneqarumaarput, efterskolillu anguniagaraa ilinniartut tamarmik efterskolimi naammatsikkunik ilinniarfivinnut ingerlaqqinnissaat. Ilinniartut arlaleriarlutik siunissartik aammalu sumik imaqassanersoq eqqarsaatigivallaartarsimanngilaat. Efterskolimilu kalaallinik misilittagaqarluartunik aqqutissiuussisunik ikiorneqassapput.

Tigutinnissamut

Efterskolemut qinnuteqaatinik suliaqarnitsinni makku misissortarpavut. 

  • Atuartoq atuarfimmi naammassisimanersoq.
  • Atuartup atuarfimmit karakteerii.
  • Atuarfimmi siunnersortip oqaaseqaataa.
  • Atuartup inerisimanera kajumissuseqarneralu.
  • Atuartup atuarniarnermik allanniarnermillu atuartinneqartariaqarnera.
  • Nukappiaqqat niviarsiaqqallu avinneqarnerisa assigiinnissaat.
  • Fagit tamarmik naammattunik atuartoqarnissaat.
  • Atuartut sinerissamit tamarmeersuunissaat atuarfimmit kissaatigineqarpoq.
  • Atuarfik atuartunik Maniitsumeersunik amerlanerpaamik pingasunik tigusaqarsinnaavoq.

Takuuk: http://www.efterskoli.gl/

Udskriv